A Facultade de Informática da Coruña acolle hoxe o novo curso sobre Scratch do CPETIG
venres, 22 de abril do 2016
O Colexio
Profesional de EnxeñarÃa Técnica en Informática (CPETIG), a
Facultade
de Informática da Coruña (FIC) e a Axencia
para a Modernización Tecnolóxica de Galicia (AMTEGA) celebran
hoxe o seu curso sobre a ferramenta Scratch para formadores,
actividade
que xa anunciamos os dÃas pasados dende Código Cero salientando
o seu potencial educativo (o obxectivo é afianzar a programación
nas aulas) e, tamén, as posibilidades que se abren con Scratch entre
as novas xeracións: introdúcense con paso firme na construción
(lúdica á par que educativa) da Sociedade do Coñecemento.
O curso desenvolverase
en horario de 15.00 a. 19.00 e está dirixido a colexiados do CPETIG
e CPEIG, ao profesorado e alumnado da FIC e ao profesorado non
universitario co fin de dotalos dos coñecementos e ferramentas
necesarias para que poidan actuar como formadores en eventos
relacionados con Scratch. A actividade sitúase ao abeiro do marco da
colaboración AMTEGA-CPETIG, do que veñen abrollando, nos últimos
anos,diferentes cursos e xornadas sobre Scratch para difundir os
valores da programación informática entre os nenos, os seus pais e
os seus formadores.
Esta sesión formativa
contará coa participación da asociación Programamos.
O obxectivo fundamental desta asociación é promover o
desenvolvemento do pensamento computacional dende idades temperás a
través da programación de videoxogos e aplicacións para móbiles
en todas as etapas escolares, dende educación infantil ata formación
profesional.