Angry Birds Blast chega aos nosos dispositivos móbiles
mércores, 21 de decembro do 2016
Os
paxaros anoxados de Rovio volven a casa polo Nadal, e en vez de agardar a mañá
para a súa estrea, dende esta tarde xa podemos descargar
de balde o novo Angry Birds Blast en Google Play e na
App Store, un novo tÃtulo cun estilo semellante a Bejeweled ou Candy Crush Saga
que ten como protagonistas aos Angry Birds, aos que temos que liberar de globos
de cores nos que os atraparon os malvados porcos verdes.
Esta aventura de quebracabezas con máis de 250 niveis consiste en localizar
elementos adxacentes da mesma cor, para facelos esbourar, o que ocasiona
explosións que fan desaparecer as burbullas, á vez que tamén dana o que estea
ao redor, facilitando asà conseguir os obxectivos de cada fase, que poden ser
dende a liberación de certo número de paxaros de cores determinadas, a
eliminación dos porcos verdes presentes ou algún que outro reto máis. Para
facilitar a superación dos obxectivos tamén poderemos facer uso de
potenciadores con efectos devastadores, deixando claro que estamos ante un
tÃtulo que segue claramente o modelo de negocio de Candy Crush, instando ao xogador a realizar micropagamentos para
mercar contidos na aplicación ou, simplemente, para non ter que agardar para
recuperar vidas e asà poder seguir xogando tras fracasar nalgún nivel.
Angry Birds Blast conta con retos
diarios para gañar recompensas e potenciadores, o que tamén facilita o asenso
nunha clasificación global, aÃnda que de conectarmos a aplicación a Facebook
teremos como engadido a posibilidade de poder desafiar aos nosos amigos para
ver quen é mellor liberando paxaros.
- O xogo mantén o desenvolvemento por niveis dos xogos tipo Angry Birds, pero con mecánicas propias do Candy Crush Saga
- En Angry Birds Blast temos tanto que liberar aos paxaros atrapados como eliminar aos malvados porcos verdes
Tráiler de Angry Birds Blast