Anuncian a primeira cámara que funciona oculta baixo a pantalla dos smartphones
luns, 8 de xuño do 2020
Os
smartphones actuais están a esforzarse por atopar solucións para permitir que a
súa parte frontal sexa todo pantalla, para o que desenvolveron solucións como
lectores de impresións dixitais integrados na propia pantalla, altofalantes debaixo
da pantalla ou nos marcos e solucións moi diversas para as cámaras, que van
dende pestanas e perforacións, até cámaras periscópicas. Pero o fabricante
Visionox vai un paso máis adiante, e anuncia a
primeira solución de cámara baixo a pantalla que pasa a producirse en masa,
de xeito que serÃa a primeira solución deste tipo en chegar a un smartphone
comercial.
Para facer posible unha cámara que pode funcionar baixo a pantalla emprégase un
panel OLED capaz de incrementar a súa transparencia na área da cámara, de xeito
que no momento de disparar unha instantánea o obxectivo da cámara non estarÃa bloqueado
polo contido en pantalla, e amosarÃa unha especie de fiestra virtual.
Esta tecnoloxÃa leva meses explorándose por parte de numerosos fabricantes, que
como principal reto tiñan o conseguir que a zona transparente da pantalla non
degradase demasiado a imaxe recollida polo sensor da cámara, para o que teñen
que combinar hardware e software, especialmente para evitar que os propios
contidos da pantalla interfiran no sensor da cámara.
A solución de Visionox recibe o nome de InV see, e falta por saber cal
será o primeiro smartphone que a integrará, avanzando nunha dirección que
resulta atractiva para a meirande parte de fabricantes que queren conseguir que
os seus teléfonos teñan un deseño externo minimalista e limpo, no que os
elementos tecnolóxicos sexan practicamente invisibles.