As oportunidades profesionais do CERN centraron unha nova edición dos Almorzos TIC Talk do CITIC
mércores, 29 de marzo do 2023
Este
luns
27 de marzo a sala Cloud do CITIC acolleu unha edición especial dos
Almorzos TIC Talk, moderada polo investigador e membro da
comisión de formación do CITIC Álvaro Leitao. Nesta ocasión as
persoas asistentes contaron coa participación dun convidado de
excepción: Jesús Fernández Cortés, antigo alumno da escola
Politécnica de Enxeñería de Ferrol que actualmente traballa na
cidade suíza de Xenebra no Organización Europea para a
Investigación Nuclear (CERN), un dos centros de investigación en
enxeñería multidisciplinar máis relevantes a nivel internacional e
que alberga o maior acelerador de partículas do mundo.
Jesús,
na súa charla Oportunidades laborais no CERN para pre e pos
graduados, falou da súa experiencia profesional no CERN e
explicou os programas laborais para estudantes, graduados e
profesionais que existen actualmente no centro no que traballa.
Tras
a charla, tivo lugar un debate no que participaron investigadoras e
investigadores do CITIC comentando as súas experiencias académicas
e laborais internacionais.