Asus e Dell amosan os seus cascos de realidade mixta
mércores, 31 de maio do 2017
Ao
Computex de Taipei non van unicamente compañÃas asiáticas, e a propia Microsoft
tamén está presente, aproveitando a ocasión para salientar que nos vindeiros
meses vai achegar ao público a súa tecnoloxÃa de realidade mixta, para o que
anticipara algúns cascos de fabricantes como Acer e HP (que
xa poden reservarse en EE.UU. e Canadá) e que estarán
acompañados tamén por fabricantes como Asus e Dell.
Asus está a colaborar intensamente con Microsoft para facer posible a
popularización da realidade mixta, para o que non só achega os seus ordenadores
portátiles e de sobremesa compatibles coas tecnoloxÃas de realidade virtual
actuais, senón que tamén sorprende cun casco de realidade mixta que presenta
unha cuberta poligonal 3D única, á vez que presenta tamén un deseño cómodo que
pode lembrarnos ao de PlayStation VR. Este lixeiro casco tamén poderá empregarse
en combinación cun mando con control de movemento que facilitará a inmersión na
realidade mixta.
Dell tamén está a facer os seus cascos de realidade mixta que buscarán ser
asumibles e sairá á venda de cara á campaña de Nadal. Desta volta o produto
busca principalmente a comodidade, para o que ten un peso moi equilibrado,
protectores acolchados para que o uso prolongado non cause molestias e incluso
conta cun sistema de organización do cableado para evitar enredos e facer doado
pór e quitar o casco.