Até 72 docentes participan na axenda de divulgación científico-tecnolóxica da UDC
mércores, 19 de xaneiro do 2022
A
Campaña
de Divulgación Científica da UDC, organizada polo Servizo de
Estudantes da Universidade da Coruña, vén este 2022 cunha ampla e
variada oferta de charlas e obradoiros en liña ou presenciais,
dirixida ao alumnado de secundaria, bacharelato e ciclos formativos
de grao superior dos centros de Galicia. “As propostas son moi
variadas e impártense de forma atractiva para espertar o interese do
alumnado”, explicaron fontes da Universidade da Coruña, engadindo
que na elaboración da axenda van participar un total de 72 docentes
dos dous campus ofrecendo 124 actividades diferentes que abranguen as
cinco ramas de coñecemento.
As
ramas incluídas son Artes e Humanidades, Ciencias, Ciencias da
Saúde, Ciencias Sociais e Xurídicas e Enxeñaría e Arquitectura.
As actividades propostas inclúen charlas ou obradoiros de temas de
actualidade e de interese para o alumnado.
Es
de ciencias ou de letras? Tres saídas profesionais despois de
estudar Filoloxía (charla); Microplásticos no medio ambiente
(obradoiro); O mundo na túa cabeza (charla); A COVID-19
e os novos hábitos de compra, o comercio electrónico veu para
quedarse? (charla); ou Por que flotan os barcos
(obradoiro) son algunhas das propostas que poden atoparse no programa
e
que podemos ver xa online nos seus detalles. Para
participar neste programa, os centros só teñen que solicitar a
actividade que máis lles interese contactando directamente co
profesor que a imparte.
