Avatel ofrece gratis chamadas e SMS a Ucraína

A compañía de telecomunicacións Avatel ofrecerá chamadas e SMS de forma gratuíta a Ucraína aos seus clientes, “ante a situación que están a sufrir os habitantes deste país como consecuencia da invasión rusa”.
Avatel solidarízase así co pobo ucraíno e facilitará as comunicacións aos seus clientes en España con Ucraína para que, en palabras da empresa, “persoas ou empresas poidan contactar con familiares, amigos ou con outras compañías”.
A operadora de telecomunicacións apoia desta forma aos seus usuarios ante “a delicada situación e a crise humanitaria que se está vivindo en Ucraína pola invasión rusa”.