BlackBerry PlayBook, o tablet de RIM
luns, 27 de setembro do 2010
Coma un dos
segredos peor gardados do ano, RIM vén de presentar a súa BlackBerry PlayBook, un
dispositivo tipo tablet que cunha pantalla multi-táctil de 7 polgadas cunha
resolución de 1.024 x 600 píxeles, procesador de dobre núcleo a 1 GHz, 1 Gb de
RAM, cámaras de 3 e 5 Mpíxlees con capacidades de gravación de vídeo Full HD,
reprodución de vídeo a 1.080p en formatos H.264, MPEG, DivX e WMV, reprodución
de audio en MP3, AAC e WMA, saída HDMI (mediante
un porto microHDMI), Wi-Fi N, Bluetooth 2.1, microUSB, sistema operativo
BlackBerry Tablet OS (con soporte de Webkit/HTML5, Adobe Flash Player 10.1, Adobe
Mobile AIR, Adobe Reader, POSIX, OpenGL e Java), unhas medidas de 13 x 19,3 x 1
centímetros, un peso de 400 gramos e conectividade 3G (4G no futuro) pretende
competir co iPad de Apple, aínda que na práctica esteamos ante un produto moi
semellante ao Samsung Galaxy Tab, que atende a uns usos bastante diferentes,
principalmente polo seu tamaño.
A
chegada deste produto a EE.UU. espérase para primeiros de 2011, mentres que
en Europa teriamos que agardar ao segundo trimestre do ano que vén, polo que
coincidirá moi posiblemente cun novo modelo de iPad, así como cunha vaga de
tablets baseados en Android 3.x cos que presumiblemente coincidirá en
características, agás polo feito de que o ecosistema de aplicacións para
BlackBerry será significativamente inferior. Haberá que agardar entón para ver
cómo aceptará o mercado este produto do que aínda non se coñece o nome, e que
polo momento centra o seu anuncio la disposición para os desenvolvedores dun
SDK que facilita a creación de aplicacións para esta plataforma.
Vídeo de presentación do novo tablet