Blur chegará no outono para revolucionar o xénero de carreiras
mércores, 20 de maio do 2009
Activision e Bizarre Creations están a traballar nun novo videoxogo para
Xbox 360, PlayStation 3 e PC que chegará no outono e que pretende revolucionar
o xénero das carreiras de automóbiles. Blur será un título realmente
trepidante no que contaríamos con 20 coches nun circuíto e que sorprende por
contar cuns gráficos fotorrealistas; os xogadores poderán realizar ataques ofensivos e defensivos mentres
loitan por liderar as carreiras, que se desenvolverán por circuítos reais que
van dende Los Ángeles e San Francisco ata as rúas de Hackney (Reino Unido) ou
as estradas de Barcelona.
Sobra dicir que o xogo tamén contará con modos multixogador en equipos, de
xeito que poderán competir ata 20 participantes en liña e incluso 4 xogadores
na mesma consola (mediante pantalla
partida).
Teaser do xogo