Borders comercializa un eReader a 119,99 dólares

mércores, 2 de xuño do 2010 Marcus Fernández

Os lectores de libros electrónico reaccionan á popularidade do iPad cuns prezos moi agresivos, e así a cadea de librarías Borders comezará a vender o Aluratek Libre eBook Reader Pro por 119,99 dólares (97,44 euros), o que supón unha importante rebaixa no produto (á venda en Sears por 150,89 euros).
Este novo lector non utiliza tecnoloxía de E Ink na súa pantalla, senón que sería unha pantalla LCD de 5 polgadas, pero co seu reducido prezo pretende facelo atractivo para certo público (aínda que habería que lembrar que a mesma cadea de tendas tamén comercializa un eReader a 149,99 dólares).
O Libre Pro almacena os libros electrónicos nos seus 256 Mbytes de memoria interna ampliable con tarxetas de memoria SD de ata 32 Gb, pode reproducir música en MP3, pode sincronizarse con PC e Mac e a súa batería permítelle unha autonomía de ata 24 horas seguidas.

PUBLICIDADE