Como conseguir aplicacións clarificadas e transparentes, nun novo curso de Vitae
martes, 23 de novembro do 2021
As
ferramentas informáticas, pola súa natureza e polos obxectivos
esixentes que pon en xogo, son ferramentas de complexidade que
requiren, malia todo, unhas cantidades importantes de sinxeleza.
Axudarnos a converter o complexo en comprensíbel, simple, accesíbel,
lexíbel, transparente e dispoñíbel é un dos grandes obxectivos do
Curso
Clean Code: Crear e refacer aplicacións limpas, que ofrece cada
pouco a consultora galega Vitae, agora, dende o inicio da crise
pandémica, en formato de aula virtual.
Esta
actividade formativa, que chega agora en decembro á súa 13ª
edición, constitúe unha importante fonte de recursos da que botar
man para achegar, en materia de desenvolvemento informático, a
máxima claridade posíbel.
O
noso equipo, a nosa empresa, os nosos colaboradores e sobre todo os
usuarios de cada ferramenta que fagamos vano agradecer.
Segundo
recalcan fontes de Vitae, a claridade non é só boa en si mesma como
un método para asegurar que a información non se desvirtúa, nin
tampouco a comunicación, senón que tamén subministra grandes
beneficios para que un servizo ou ferramenta poida evolucionar no
tempo e ser optimizada e adaptada por outras persoas.
O novo
curso celébrase na Aula Virtual de Vitae os días 13, 14, 15 e 16 de
decembro.
O punto de partida desta actividade formativa de
Vitae está nunha necesidade concreta por parte das empresas e
profesionais: a demanda de técnicas áxiles e eficaces de
desenvolvemento, recursos que axuden a escribir programas para seren
comprendidos, facer simple o complexo.
En termos xerais,
serviranos para ampliar ao máximo o noso coñecemento sobre técnicas
de código limpo, recursos que, segundo informa Vitae, “axudan a
escribir programas sinxelos de entender, que achegan valor e que,
ademais, poden evolucionar”.
A consultora, a propósito dos
porqués deste curso, lembra que “programar é expresar procesos
con detalle nunha linguaxe non ambigua, feita, coma calquera
linguaxe, para comunicar verbalmente ou textualmente”. Vitae engade
que “ao escribir cómpre pensar no lector, sobre todo porque, en
moitas ocasións, os lectores imos ser nós mesmos”. Os obxectivos
do obradoiro son, polo tanto, desenvolver aplicacións difíciles de
manter, reducir a cantidade de erros e facilitar o seu achado e
distinguir as boas e malas prácticas de programación.
O curso
está dirixido sobre todo a programadores con experiencia nalgunha
linguaxe orientada a obxectos. O requirimento principal é sermos
usuarios de editores de código, recomendándose o VSCode.
O
formador será Alberto Basalo, enxeñeiro técnico en Informática
con dúas décadas de experiencia como analista programador, xefe de
proxectos e formador en pequenas e grandes empresas. Basalo é, a día
de hoxe, socio director de AgoraBinaria e consultor asociado a Vitae
Consultores. Entre as empresas e organismos que ten asesorado ou
formado atópanse Tecnocom, Abanca, Softek, GADISA, Inditex, Optare,
Altia, Gradiant ou SIVSA.