Competencia inicia un expediente contra Microsoft por limitar a venda de software
mércores, 21 de setembro do 2011
A Comisión Nacional da Competencia (CNC) iniciou un expediente
sancionador contra Microsoft por posibles prácticas restritivas da competencia.
O expediente débese a que a CNC considera que Microsoft poderÃa impedir ou
limitar de forma inxustificada a revenda de software , segundo
informa o organismo nun comunicado.
En concreto, a Dirección de Investigación da
CNC está a investigar ás sociedades do xigante informático: Microsoft Ibérica,
Unipersonal e Microsoft Ireland Operations Limited, pola limitación de licenzas
de sistemas operativos para ordenadores persoais, nos que contarÃa cunha
posición de dominio.
O expediente ten orixe nunha denuncia
presentada por Elegant Business. A CNC tivo acceso a determinada información da
que pode deducirse a existencia de indicios racionais da comisión, por parte de
Microsoft dunha infracción dos artigos 1 e 2 da Lei de Defensa da Competencia
(LDC) e dos artigos 101 e 102 do Tratado de Funcionamento da Unión Europea
(Trfue).
A incoación deste expediente non prexulga o
resultado final da investigación. A partir de agora ábrese un perÃodo máximo de
18 meses para a instrución do expediente e para a súa resolución por parte da
CNC.