Contra Returns chegará a móbiles a finais de xullo
martes, 29 de xuño do 2021
O xogo
de acción Gryzor (coñecido internacionalmente como Contra) causou furor a finais doa anos 80 en
máquinas recreativas, ordenadores persoais e consolas de videoxogos, deixando
unha fonda pegada que provocou que este tÃtulo rexurdise en distintas variantes
nos últimos anos, de xeito que en dispositivos
móbiles puidemos ver Contra: Evolution
e hai apenas un par de anos tamén puidemos ver Contra
Anniversary Collection, recompilación que incluÃa varios xogos
desta saga para poder gozar dos mesmos en PC, Nintendo Switch, Xbox One e PS4.
Agora o xogo busca volver de novo a dispositivos móbiles como Contra Returns, tÃtulo que chegará
para iOS
e para
Android este mesmo verán (concretamente o 26 de xullo), e que está a quecer
motores para lanzar en breve unha beta que permitirá probar a experiencia
clásica deste xogo de desprazamento lateral con gráficos en alta definición
actualizados, modelos de personaxes en 3D e efectos de son e vÃdeo que
transmiten novas sensacións.
Contra Returns achega novos
personaxes, novas liñas narrativas e armas personalizables, elementos que
permiten aos xogadores desbloquear habilidades e conquistar o campo de batalla
coa mesma emoción das entregas do xogo que pululaban os salóns recreativos. Inclúe
200 niveis baseados no xogo orixinal, 5 novos modos de xogo e moitos outros
elementos para crear un xogo único, que agradecerán especialmente os
incondicionais da saga.
Tráiler de Contra Returns