Deus Ex: Mankind Divided e Batman: The Telltale Series chegan a PS Plus en xaneiro

mércores, 27 de decembro do 2017 Marcus Fernández

Hoxe desvelouse a listaxe de xogos que recibirán os subscritores de PlayStation Plus durante o mes de xaneiro, que no caso da PlayStation 4 permitirá que os usuarios poidan gozar de grandes xogos como son Deus Ex: Mankind Divided (un xogo cyberpunk que colle o relevo de Deus Ex: Human Revolution) e Batman: The Telltale Series (aventura gráfica de Batman polos creadores dos xogos de The Walking Dead).
Para PlayStation 3 os xogos de xaneiro serán Sacred 3 e The Book of Unwritten Tales 2, mentres que para PS Vita teremos PSYCHO-PASS: Mandatory Happiness e Uncanny Valley.
Continuando a liña dos últimos meses, en xaneiro tamén haberá varios xogos adicionais, como o xogo de naves espaciais StarBlood Arena exclusivo para PlayStation VR, o xogo Dynasty Feud do programa PlayStation Talents e o xogo ¡Has Sido Tú!, que busca popularizar o sistema de xogo PlayLink (no que pode xogarse en grupo tirando proveito de móbiles e tabletas como sistemas de control).

PUBLICIDADE