Disco duro de 320 Gb para a Xbox 360

xoves, 13 de outubro do 2011 Marcus Fernández

A finais de mes Microsoft vai pór á venda un disco duro de 320 Gb para a Xbox 360 que terá un prezo de 129,99 dólares nos EE.UU. e que incluirá un código de descarga para o xogo LEGO Star Wars III: The Clone Wars (oferta que non estará dispoñible en todos os territorios). Esta unidade é compatible con todos os modelos de Xbox 360 S, que poderán así gozar de máis espazo para xogos, películas en alta definición, demos e outros contidos descargables (como actualizacións de xogos e expansións), o que agradecerán os que optasen por mercar o modelo máis económico da Xbox 360, e actualmente gusten da descarga de contidos ou do uso da súa consola como centro multimedia.

PUBLICIDADE