Disco duro externo de memoria de estado sólido de 100 Gb

xoves, 20 de decembro do 2007 Marcus Fernández

Os discos duros externos comezan a ter un novo integrante na súa familia, pois aparte das memorias USB e dos discos duros de 3,5 e 2,5 polgadas agora tamén compiten cos discos de estado sólido. Esta tecnoloxía empeza a acadar tamaños importantes, e Buffalo anuncia o lanzamento da súa liña de discos SHD-UHRS que se comercializan en capacidades de 32, 64 e 100 Gb a 35.400, 75.340 e 107.720 iens respectivamente (218,1, 464,17 e 663,65 euros).
A principal vantaxe destes discos USB 2.0 é que son pequenos, lixeiros e rápidos, aínda que tardarán en acadar prezos competitivos.

PUBLICIDADE