Ednon nomea director xeral a Javier Atán Castro
mércores, 19 de febreiro do 2014
A empresa compostelá
Ednon, centrada en servizos
avanzados TIC, vén de anunciar o nomeamento de Javier Atán Castro,
licenciado en Ciencias Económicas pola Universidade de Santiago,
como director xeral da firma tecnolóxica. Atán Castro, de 48 anos e
posuidor dun MBA (mestría en administración de negocios) pola
Escola de Negocios Novacaixagalicia, conta cunha traxectoria
profesional de máis de 25 anos. Segundo informa Ednon, antes da súa
incorporación a esta empresa desenvolveu o posto de director de
Servizos Centrais en Coremain, “con responsabilidades nas áreas
de administración e finanzas, recursos humanos, calidade, soporte e
control de xestión, secretaría xeral e sistemas de información”.
Como director xeneral de
Ednon, Javier Atán asume o obxectivo de liderar o proceso de
renovación “nun ano crave para a compañía”, que cumpre o seu
décimo aniversario “cunha traxectoria ascendente en facturación e
en número de empregados”, engade a empresa compostelá.
Lembrar Ednon centra a
súa actividade en servizos avanzados de Tecnoloxías da Información
e a Comunicación (TIC). Foi fundada en 2004 e opera arestora en todo
o territorio estatal a través das súas oficinas en Santiago de
Compostela, Valladolid e Madrid. Tamén ten unha importante
actividade en Latinoamérica coa súa filial Ednon International, tal
e como deixamos claro hai uns días facendo referencia aos servizos
TIC que prepara para un megahospital en Panamá.
info portfolio
