Fruit Ninja terá versión para Kinect no verán

venres, 17 de xuño do 2011 Marcus Fernández

Hai tempo que o xogo Fruit Ninja chegou a dispositivos como o iPhone e o iPad con grande éxito, por adaptarse á perfección á interface de uso dos trebellos de Apple, posto que este título consiste en cortar distintas froitas que lanzan no aire cos nosos dedos sobre a pantalla táctil, e que agora busca trasladarse ás consolas domésticas cunha curiosa proposta: Fruit Ninja Kinect.
Nesta ocasión, en vez de usar os dedos sobre a pantalla teremos que mover os nosos brazos para que a nosa sombra virtual poida cortar as froitas que van aparecendo na pantalla da Xbox 360, rexistrando os nosos movemento co sensor de Kinect e incluso permitindo que xoguen dous usuarios simultaneamente.
Esta divertida proposta chegará a través de Xbox LIVE Arcade, de xeito que, aínda que previsiblemente podería ter un prezo duns 9,6 euros, o que superaría sobradamente os 2,39 euros da versión para iPad, pero moi por debaixo do 40-50 euros que tenden a custar os xogos para Kinect, polo que a compra deste tipo de títulos mediante descarga podería gañar bastante popularidade, xa que facilitan o tirar partido de Kinect.

Fruit Ninja Kinect permitirá participar a 2 xogadores á vez

PUBLICIDADE