Maletíns e mochilas para portátiles fabricadas con material reciclado

Port Designs, a firma fabricante de solucións de transporte, protección e ergonomía especializada en ordenadores portátiles que sempre nos sorprende con modelos que se axustan á perfección aos nosos gustos e necesidades, vén desta volta de lanzar ao mercado a nova liña Chicago Eco, que ademais de protexer o noso portátil, é respectuosa co medio ambiente, favorecendo a súa conservación.
As fundas desta gama están feitas con fibras naturais e material PET, é dicir, material fabricado a partir de botellas de plástico recicladas, compactadas e convertidas en tecido que lle ofrecen ao consumidor a confianza de estar empregando un produto 100 por cento respectuoso co medio ambiente.
Cada maletín ou mochila Chicago Eco equivale a unhas 24 botellas de plástico que terían acabado no lixo ou en calquera das nosas idílicas praias de non ser pola iniciativa de reciclaxe levada a cabo por empresas concienciadas coa natureza como esta.
O fabricante desta gama, que lanzou os produtos a un prezo “accesible á maioría dos petos”, é sabedor de que as máis das veces, a palabra “ECO” leva consigo un incremento considerable no prezo final, facendo que os consumidores se decanten por outro tipo de produtos menos respectuosos, porén esta marca, fixou o prezo desta nova gama nunha cantidade moi competitiva, “diferenciándose así de outros produtos tamén ecolóxicos pero elitistas”, segundo apunta Álex Huguet, o Country Manager Iberia de Port Designs.
Trátase pois de produtos ecolóxicos, a prezos de competidores “non ecolóxicos”, que fomenta o consumo de produtos reciclados sen afectar aos petos dos consumidores.
A familia Chicago Eco está integrada por tres maletíns (para ordenadores de 14, 15.4-16 e 17-18,4”) e unha mochila para pantallas estándar de ata 16”. Os maletíns inclúen, ademais do compartimento para o portátil, dotado de dúas correas para suxeitar o dispositivo, un peto dianteiro para accesorios e un terceiro “peto segredo” para gardar documentos de viaxe. Teñen asa ergonómica e unha correa que permite fixalo ao brazo telescópico dunha maleta trollei.
A mochila, pola súa banda, incorpora todas as vantaxes do fabricante, tales como múltiples petos, sistema de protección para o portátil que amortece os golpes, chuvasqueiro reversible, un lado reflectinte adaptado á normativa da DXT… así como unha almofadiña semi-rixida na zona das costas que protexe a columna vertebral á hora de transportar o portátil.
Esta liña está dispoñible á venda nas tendas El Corte Inglés, custan a partir de 39,99 euros segundo o modelo e teñen garantía de por vida.