GWENT estrea unha expansión para un xogador
xoves, 7 de xullo do 2022
Dentro
dos xogos de The Witcher naceu un xogo de cartas, GWENT, que deu
lugar a un xogo de seu que vén de estrear a súa primeira expansión para un xogador,
GWENT: Rogue Mage,
que combina os mellores elementos do estilo roguelike, a creación de
mazos de naipes e os xogos de estratexia coas mecánicas únicas das batallas de
cargas de GWENT, e que dende hoxe podemos adquirir
nas súas versións para PC, Android
e iOS,
sorprendendo en boa medida por venderse a 9,99/10,99 euros en vez de optar pola
formula tan explotada do free-to-play.
O xogo está ambientado centos de anos antes de que Geralt de Rivia e o resto de
bruxos percorreran o continente, coa humanidade precisando contrarrestar unha
invasión de infinidade de monstros, o que leva aos protagonistas (o mago Alzur
e a súa compañeira Lily) a embarcarse nunha perigosa cruzada para crear unha arma
vivente que erradicará a ameaza dos monstros dunha vez por todas.
Dende CD Projekt Red detallan que non estamos ante un xogo independente, senón
que Rogue Mage é realmente unha expansión que decidiron vender por
separado pola grande cantidade de contido que incorpora e, especialmente, por
permitir xogar sen conexión en calquera momento e lugar.
Tráiler de lanzamento de GWENT: Rogue Mage