Garmin anuncia un navegador GPS para ciclomotores

martes, 5 de xuño do 2012 Marcus Fernández

Os motoristas tamén poden gozar das vantaxes da navegación guiada por satélite, e como mostra diso no terceiro trimestre do ano vai pórse á venda o navegador Garmin zūmo 350LM, que é resistente á auga conforme ao estándar IPX7, conta cunha grande pantalla táctil de 4,3 polgadas (cunha resolución de 480 x 272 píxeles) de grande visibilidade baixo a luz do sol e que pode empregarse con luvas, con Bluetooth para facilitar que a guía por voz estea accesible para castos que conten con auriculares sen fíos e con mapas de Europa actualizados ata a fin de vida do produto.
Este interesante navegador tamén conta cunha doada barra de buscas, indicador de límite de velocidade, vista previa dos servizos que se atoparán nas seguintes saídas da autoestrada, indicación de carril con visualización de cruces, predición do fluxo do tráfico, localizador de hospitais, comisarías e estacións de servizo, función para atopar onde está aparcado o vehículo (rexistra a posición na que o navegador foi retirado do soporte) e moitas outras prestacións que, xunto cunha autonomía de ata 7 horas, conforma un excelente dispositivo que como principal atranco ten un prezo recomendado de 499 euros.


Vídeo de presentación do novo navegador GPS para ciclomotores

Aínda que conte con Bluetooth, o navegador non prescinde dun altofalante traseiro
O zūmo 350LM de Garmin é un navegador ideal para os ciclomotores

PUBLICIDADE