Gran Turismo 6 verá a luz este ano para PS3
mércores, 15 de maio do 2013
Celebrando o 15º aniversario da saga Gran Turismo, que na súa historia conseguiu vender 70 millóns de
unidades en todo o mundo, hoxe
confirmouse que a finais de ano teremos Gran
Turismo 6 para PlayStation 3, de xeito que non haberá que agardar á
PlayStation 4 para ter unha entrega máis dos xogos de condución que son un dos
grandes reclamos das consolas de Sony e que conseguen abafar co seu volume de
contidos, que neste novo tÃtulo contará con máis de 1.200 vehÃculos e 7 novas
localizacións (sumando un total de 33, con 71 percorridos dos que 19 serán
totalmente novos) coa posibilidade en engadir incluso máis no futuro mediante
descarga.
Gran Turismo 6 contará con moitas
melloras, incorporacións e actualizacións, avanzando na súa proposta de condución real, e cun novo motor que
achegará un mellor rendemento do xogo. Tamén potenciará os seus aspectos
sociais e as funcións de comunidade.
Durante as vindeiras edicións do E3 e da Gamescom poderanse ver máis detalles
deste novo xogo de velocidade.
Trailer de presentación de Gran Turismo 6