Horizon Worlds chega a España
martes, 16 de agosto do 2022
A plataforma que Meta está a empregar como precursora do seu
metaverso, Horizon Worlds, chega hoxe a dous novos paÃses europeos, Francia e
España, segundo anuncia
o propio Mark Zuckerberg, adiantando que nos
vindeiros meses chegará a máis paÃses europeos.
Este mundo virtual, dispoñible para usuarios de cascos de realidade virtual de
Meta, está agora dispoñible para usuarios maiores de 18 anos aos que ofrece un
espazo inmersivo e social no que explorar, xogar e crear con outros usuarios.
En Horizon Worlds podemos atopar espazos para a relaxación, locais de comedia, pistas
para xogar aos birlos e incluso xeitos de asistir a eventos en directo (coa
porta aberta a que sexan de pagamento), buscando que os usuarios poidan
personalizar a súa experiencia e vestir os seus avatares con produtos á venda incluso
de marcas recoñecidas que están a dar os seus primeiros pasos no virtual.
Neste espallamento Horizon Worlds continúa a explorar as posibilidades desta
plataforma, asà como o xeito de manter a orde en espazos virtuais, para o que
hai que desenvolver e probar distintas ferramentas de moderación e control que
permitan que o os mundos virtuais poidan ser seguros.
Como exemplo destes avances, anuncian que están
a preparar novas medidas de control nas conversas de voz, de xeito que pode
limitarse a voz de descoñecidos (os que verán mediante unha icona que a persoa
coa que tentan falar non pode escoitalos) evitando asà conversas incómodas.
Tamén está a aplicarse unha novidade moi demandada: que outros usuarios non
poidan invadir o noso espazo persoal no mundo virtual, o que prevén moitas
situacións de acoso e comportamentos indecorosos.
VÃdeo promocional de Horizon Worlds