Instagram permite que calquera usuario pegue ligazóns nas historias

As historias de Instagram queren ser unha fiestra máis efectiva ao resto da Rede, e tras probar con éxito un adhesivo para incluír ligazóns nas historias e eliminar o xesto de deslizar cara arriba para visitar unha páxina web externa, agora anuncian que os adhesivos con ligazóns convértense nunha ferramenta dispoñible para todos os usuarios de Instagram, ou sexa, que para promocionar contidos externos xa non é preciso contar cun mínimo de 10.000 seareiros como acontecía co xesto de deslizar.
Que a nova etiqueta de Enlace non sexa exclusiva de contas verificadas ou cun mínimo de seareiros enriquece extraordinariamente as historias e facilita moito a promoción de ligazóns externas, xa que os creadores de contidos que aínda non conseguiron un elevado volume de seguidores tiña que recorrer a prácticas como comentar que para acceder a un contido do que estaban a falar había que visitar o seu perfil (único lugar no que Instagram permitíalles incluír ligazóns).
O manexo da nova ferramenta é moi sinxelo, pois cando estamos a compor unha historia simplemente temos que ir á sección de engadir adhesivo, seleccionar o sticker de Enlace, pegar o enderezo web ao que queremos remitir aos usuario e colocar o adhesivo coa ligazón onde consideremos convinte, podendo premer sobre o elemento para que mude de cor.
Dende Instagram aseguran que vixiarán o uso que os usuarios fan destas función, por se remiten a contidos que violen as normas do servizo.