Kensington lanza un adaptador de corrente para ultraportátiles con porto USB

martes, 7 de abril do 2009 Marcus Fernández

Os adaptadores de corrente para ordenadores portátiles de marca son un produto caro e difícil de conseguir, de aí que teñan certa popularidades os adaptadores universais, e o fabricante Kensington sorprendeunos anunciando o lanzamento dun produto deste tipo destinado a ultraportátiles de distintos fabricantes (pois ten limitada a súa saída de corrente a 100 W) que conta cun engadido moi interesante: un porto USB válido para cargar a batería do noso móbil ou calquera outro trebello que se conecte deste xeito.
Este adaptador de corrente ten un prezo de venda recomendado nos EE.UU. de 49,99 dólares (36,9 euros) e xa está listado en Amazon, así como outros novos produtos do mesmos fabricante.

PUBLICIDADE