LEGO Universe dirá adeus en xaneiro
luns, 7 de novembro do 2011
Pese a
que os videoxogos baseados en figuras de LEGO que toman a personaxes como
Batman ou Indiana Jones como inspiración son todo un éxito, parece que estes
simpáticos bonecos non son quen de ter éxito por si mesmos, e o xogo masivo
multi-usuario LEGO Universe, lanzado
o outono pasado, nin sequera foi capaz de superar unha masa crÃtica baixo o
modelo free-to-play, de xeito que os seus
responsables anuncian que o 31 de xaneiro de 2012 pecharán as súas portas.
LEGO Universe non conseguiu xuntar un
número de subscritores que permita a supervivencia do servizo, pese ao
incremento de accesos dende que mudaron o seu modelo de negocio ao Freemium, e pese a ter uns 2 millóns de
usuarios activos, iso non permitiu que os ingresos da compañÃa a través deste
servizo fosen suficientes para manter o xogo en funcionamento, o que tamén
suporá o peche de Play Well Studios (encargados do desenvolvemento do xogo) e o
cese do equipo de marketing do xogo,
polo que afectará a
uns 115 postos de traballo.
- Finalmente LEGO Universe dirá adeus en xaneiro de 2012