LG presenta monitores OLED gaming con 240 Hz de velocidade de refresco
luns, 12 de decembro do 2022
LG
anunciou que vai
levar ao CES de Las Vegas os seus novos monitores UltraGear OLED orientados
ao seu uso con videoxogos, con modelos 27GR95QE e 45GR95QE, que son os
primeiros en estar equipados con paneis OLED con velocidades de refresco de 240
Hz, presumindo tamén dun tempo de resposta de 0,03 milisegundos (GTG) e de ofrecer cores precisas e grande contraste.
O monitor LG UltraGear OLED modelo 27GR95QE ten un panel OLED de 27 polgadas
con resolución QuadHD, ofrece unha baixa latencia ideal para os xogos. Tamén cubre o 98,5% da cor
DCI-P3, ten protección contra reflexos, é compatible con velocidades de
refresco variables, soporta nVIDIA G-SYNC e FreeSync Premium, ten conectividade
HDMI 2.1 e DisplayPort 1.4 e tamén incorpora un conector para auriculares de 4
polos compatible con DTS Headphone.X.
Por outra banda tamén ten o monitor modelo 45GR95QE, cun panel curvo ultrapanorámico
OLED de 45 polgadas cunha resolución de 3.440 x 1.440 pÃxeles, que sorprende
pola súa curvatura 800R, que polo demais coincide en especificacións co seu
irmán pequeno.
Ambos monitores chegarán ao mercado o ano que vén con prezos presumiblemente
elevados, xa que a compañÃa xa os identifica como monitores premium.
- O monitor 45GR95QE ten un panel ultrapanorámico de 45 polgadas e unha curvatura de 800R