Mestrelab colle novo impulso cunha achega de GAIN de 4,2 millóns de euros
mércores, 29 de marzo do 2023
O
centro compostelán Mestrelab acolleu a semana pasada a
visitta do conselleiro de Economía, Francisco Conde, quen
destacou que o centro de investigación empresarial “sitúa a Marca
Galicia como referente internacional en biotecnoloxía”. Conde
salientou que se trata “dun centro pioneiro” xa que, xunto co
impulsado por Borgwarner, “será dos primeiros que se poñerán en
marcha no marco do programa das Unidades Mixtas de Investigación do
Goberno galego”. Así, agárdase que actúe como centro neurálxico
para o ecosistema galego de I+D+i ligado ás ciencias da vida. O
programa conta cunha axuda da Axencia Galega de Innovación (GAIN) de
4,2M€ para un investimento total de 8M€.
A
previsión é que dea traballo a máis dunha trintena de profesionais
e que conte con 15 empresas entre usuarias e colaboradoras nos
proxectos de investigación que se poñerán en marcha.
Mestrelab
desenvolve solucións de software que, actualmente, están a ser
utilizadas por preto de 500 clientes da industria farmacéutica,
biotecnolóxica e química e por máis de 2.000 universidades de todo
o mundo. Grazas á súa tecnoloxía, por exemplo, as vacinas contra a
COVID desenvolvéronse en tempo récord.
Conde
rematou a súa visita subliñando que este novo centro “permitirá
incrementar a carteira de solucións e produtos do sector
biotecnolóxico galego e redobrar a excelencia do Campus Vida,
ademais de complementar a actividade do Polo biotecnolóxico da
Sionlla”.
Mestrelab
Research é un centro empresarial de investigación de Santiago de
Compostela dende o que se materializa o sotfware especializado para
investigación química que empregan xigantes empresariais como
Pfizer, BioNTech, AstraZeneca e Moderna Therapeutics, as empresas
farmacéuticas hoxe máis populares tras sacar as súas vacinas
contra o COVID-19. Todas elas utilizan a tecnoloxía da firma galega,
xunto con BASF, Dow Chemical, Dupont, Bayer, Roche ou Johnson, entre outras.