Minicadea Denon S-52

venres, 18 de xullo do 2008 Marcus Fernández

Os reprodutores multimedia persoais provocaron case a desaparición das minicadeas musicais en moitos fogares, que non ven a necesidade de ter este tipo de dispositivo, pero para os melómanos Denon quere ofrecer un reprodutor actualizado que podería ser unha interesante solución para escoitar música, a minicadea Denon S-52, que conta cun lector de CD capaz de ler MP3, unha base Dock para poder escoitar amplificadas as cancións almacenadas nun iPod (ou para recargar a súa batería), conta con radio FM/AM e mesmo con Wi-Fi para empregar a rede doméstica para conectarse á Internet para sintonizar emisoras en liña ou para acceder a temas almacenados nun ordenador.
Tamén conta cun porto USB ao que podemos conectar unidades de disco para reproducir os seus contidos. O Denon S-52 conta con 2 altofalantes (coa posibilidade de engadirlle un subwoofer externo) e mando a distancia, tamén poden conectarse á nosa rede doméstica por Ethernet e conta con espertador. Mide 380 x 126 x 220 milímetros, pesa 6 quilogramos e o seu principal defecto sería o prezo, 650 euros, moi superior ao que un usuario gasta normalmente nun dispositivo deste tipo.

PUBLICIDADE