Moto Stream leva a música do móbil aos nosos altofalantes domésticos
martes, 3 de xuño do 2014
Para facer cómoda e doada a escoita de música dende o noso
móbil a través de equipos musicais que xa teñamos no fogar dende Motorola
propoñen un novo dispositivo chamado Moto
Stream, que vén a ser un receptor Bluetooth 3.0 que pode conectarse a até 5
dispositivos á vez (que poden ser smartphones, tablets ou ordenadores) dende os
que enviarlle a música que teñamos nos mesmos ou a través de servizos en liña
como Spotify, coa comodidade de poder facer todo isto sen fÃos e a un prezo relativamente
económico: esta solución só custa 49,99 dólares (36,71 euros).
O Moto Stream pode comunicarse sen fÃos con dispositivos que estean a unha
distancia de até 90 metros, sendo doada a súa sincronización grazas a que conta
con NFC (o que permite a conexión con só tocar o curioso trebello co noso
dispositivo móbil), e para incrementar o seu atractivo conta cun modo de
funcionamento chamado Heist, que converte aos altofalantes que teñamos
conectados nunha plataforma social, na que calquera das persoas conectadas pode
elixir a música que se escoita a cada momento.
O Moto Stream mide 69 x 60 x 57 milÃmetros, pesa 100 gramos, conéctase aos
altofalantes mediante conectores mini jack ou RCA, aliméntase a través de micro
USB e é compatible con teléfonos con Android, iOS e Windows Phone (dada a
universalidade do Bluetooth). Sairá á venda este mesmo venres nos EE.UU.
- O Moto Stream pode vincularse co móbil cun único toque grazas á integración de NFC
VÃdeo de presentación do Moto Stream