NEC lanzará en xuño un ordenador todo-en-un con pantalla 3D e Blu-ray

xoves, 27 de maio do 2010 Marcus Fernández

NEC tiña previsto lanzar un ordenador con pantalla 3D no Xapón para o mes de outubro, pero finalmente o mercado xaponés poderá velo baixo o nome Valuestar N VN790/BS o mes que vén, e que contará cunha pantalla de 20 polgadas cunha resolución de 1.600 x 900 píxeles (que funciona tanto en 2D coma en 3D), unidade de Blu-ray (pensando nas películas estereoscópicas en tal formato), procesador Intel Mobile Core, 4 Gb de RAM (ampliables ata 8 Gb), 1 Tb de disco duro, 2 altofalantes de 3 W por canle e sistema operativo Windows 7 Home Premium de 64 bits.
Este equipo mide 49 x 36,2 x 16,9 centímetros, pesa 8,6 quilogramos, incluirá un par de lentes para ver os contidos 3D, mando a distancia, sintonizadora de televisión e teclado/rato sen fíos, aínda que o seu prezo non será precisamente reducido (custará preto de 2.000 euros ao cambio).

PUBLICIDADE