Netgear leva o seu PLC ata os 500 Mbps

mércores, 19 de xaneiro do 2011 Marcus Fernández

Ante as limitacións de velocidade das redes Wi-Fi (especialmente en fogares de grande tamaño ou con varios andares) e as complexidades de instalar redes de cable no ámbito doméstico, a tecnoloxía PLC está a acadar certa popularidade, especialmente ante a aparición de dispositivos que son capaces de establecer comunicacións de ata 200 Mbps a través da instalación eléctrica, o que permite, por exemplo, a reprodución en remoto de contidos de vídeo en alta definición, pero Netgear quere levar máis alá estas posibilidades, de xeito que presenta os seus adaptadores XAVB5001 e XAVB5501, que permiten velocidades teóricas de ata 500 Mbps, superando sobradamente aos seus competidores e garantindo unhas boas velocidades de transmisión de incluso transmitindo varios fluxos de vídeo en alta definición.
Estes adaptadores PLC contan con conectividade Gigabit Ethernet, son Plug-and-play (non precisan de configuración ou instalación de software), contan con medidas de seguridade automáticas (non hai que lembrar contrasinais para que a rede PLC estea segura), teñen funcións de aforro de enerxía e son compatibles con anteriores adaptadores de Netgear que funcionaban a 200 Mbps.

PUBLICIDADE