Ni no Kuni II sae á venda
venres, 23 de marzo do 2018
Hoxe chegou ás tendas Ni
no Kuni II: Revenant Kingdom (O Renacer dun Reino), un agardado xogo do
estudio xaponés Level-5 que contou coa participación de Yoshiyuki Momose
(antigo animador do Studio Ghibli) e con música de Joe Hisaishi, e que por fin
pode mercarse en versións para
PlayStation 4 e PC
(Steam).
Este xogo de rol xaponés conta as aventuras de Evan Pettyswhisker Tildrum, mozo
gobernante de Ding Dong Dell, que tras ser derrocado contará coa axuda de Roland,
Tani, Batu, Lofty e outros amigos que irán xurdindo ao longo dunha viaxe para
levantar de novo un reino libre de conflitos.
Os xogadores poderán explorar un fermoso
mundo cheo de lugares exóticos e cun grande abano de personaxes aos que
enfrontase.
Apoiarán a Evan na súa aventura uns fenómenos naturais coñecidos como
higgledies, que proporcionarán grande axuda durante as batallas, incluÃndo
vantaxes ofensivas e defensivas, aumentando o poder de ataque especial de Evan
e os seus amigos e contribuÃndo a vencer aos inimigos. Hai un cento de higgledies
únicos que coleccionar, con cadanseus poderes especiais.
Ni no Kuni II: Revenant Kingdom conta
con dous modos adicionais para que os xogadores participen a medida que avanzan
na historia principal do xogo. Ao recuperar Evan a súa coroa no novo reino de
Evermore, debe xestionar todos os aspectos da vida cotiá dentro das súas fronteiras.
Os xogadores construirán tendas, granxas, barracóns e outras instalacións para
promover a economÃa de Evermore e proporcionar novo equipamento a Evan e aos
seus aliados a medida que se aventura máis no mundo. Evan tamén dirixirá un
exército en batallas de escaramuzas. Estas batallas a grande escala contra
outros exércitos porán a proba o poder militar de Evan.
Tráiler de lanzamento de Ni no Kuni II