Nintendo visitará Vilagarcía os días 17 e 18 de agosto

A vindeira fin de semana a xira estival de Nintendo rematará en Vilagarcía de Arousa tras percorrer máis de 2.500 quilómetros amosando as posibilidades de diversión da Nintendo Switch. Concretamente o Nintendo Switch Tour estará na praza da II República de Vilagarcía de Arousa os días 17 e 18 de 17:00 a 23:00, propoñéndose así como un plan familiar para despois dunha xornada de praia.
Nintendo instalará 46 postos de xogo que permitirán gozar de grandes títulos como Super Mario Bros. Wonder, Mario Kart 8 Deluxe, Luigi’s Mansion 2 HD, Princess Peach: Showtime! ou Nintendo Switch Sports, deixando claro que os protagonistas desta xira son Mario e os seus amigos.