Novos proxectores ultradelgados de Casio

xoves, 19 de xuño do 2008 Marcus Fernández

Casio presentou unha nova gama de proxectores de vídeo DLP super-delgados, que se diferencian principalmente pola súa luminosidade, tendo a serie XJ-SC200 2.500 lúmenes ANSI, e a serie XJ-S50 3.000 lúmenes ANSI.
Estes novos proxectores miden 27 x 19,89 x 4,29 centímetros e pesan 1,8 Kg. Teñen unha resolución nativa de 1.024 x 768 dólares, entrada VGA, receptor Wi-Fi opcional, porto USB para cargar contidos sen necesidade dun PC (adaptando documentos PDF, JPEG, BMP e MPEG-4 mediante o programa EZ-Converter Pro), unha relación de contraste de 1.800:1, compatibilidade coas distintas variantes de PAL e NTSC, soporte de contidos en alta definición (ata 1.080 liñas en progresivo), e pode proxectar unha imaxe de entre 60 e 100 polgadas.
O prezo de venda destes novos proxectores nos EE.UU. será de entre 1.299 e 1.599 dólares.

PUBLICIDADE