O Campus do Mar válese da Rede para implicar ao alumnado na procura da excelencia
mércores, 22 de setembro do 2010
Representantes
de todos sectores da sociedade galega e do Norte de Portugal apoian a
candidatura da Universidade de Vigo para concorrer á convocatoria de Campus de
Excelencia Internacional, pero o carácter integrador do Campus do Mar non se poderÃa entender sen
o apoio do alumnado da Universidade, un compromiso que este martes se
materializou na Facultade de Ciencias do Mar a través da campaña de captación
de apoios que hoxe comezou no campus de Vigo e se estenderá aos de Pontevedra e
Ourense.
Esta iniciativa tamén ten o seu reflexo na Internet a través dunha páxina web na se recollen apoios
individuais, superando xa os 250 usuarios rexistrados e os 835 seareiros en Facebook,
animando aos alumnos a seguir estes pasos dende expositores que percorrerán os
centros dos 3 campus ata o 15 de outubro.
O stand situado no Edificio de
Ciencias Experimentais xa recibiu
a visita do reitor da Universidade de Vigo, Salustiano Mato, quen incidiu
na necesidade de «crear ambiente e animar
á mocidade a que se apunte e apoie o Campus do Mar, posto que é unha maneira de
chegar á comunidade universitaria dun xeito máis próximo e para que o
estudantado se sinta partÃcipe e cómplice do proxecto, que é fundamental».
- Salustiano Mato visitou o stand de promoción do Campus do Mar