O Creative ZEN X-Fi2 incorpora pantalla táctil

Os reprodutores multimedia de Creative teñen nun novo membro na súa familia, o ZEN X-Fi 2, que estrea unha pantalla táctil de 3 polgadas cunha resolución de 320 x 240 píxeles á vez que mantén as excelentes características do resto de reprodutores con tecnoloxía Xtreme Fidelity X-Fi.
O Creative ZEN X-Fi 2 presentouse estes días na feira IFA de Berlín, e estará dispoñible en capacidades de 8, 16 e 32 Gb, por un prezo de 129,99, 179,99 e 229,99 euros respectivamente. O reprodutor mide 102 x 57 x 11,6 milímetros, pesa 75 gramos, reproduce música en MP3, WMA, Audible4, AAC e FLAC, vídeo en WMV9, MPEG4-SP, DivX 4/5 e XviD, amosa imaxes en JPEG e BMP, conta con saída de vídeo, integra altofalante, sintonizadora de radio FM, gravación de voz e permite ampliar a súa memoria mediante tarxetas microSD.

Demostración da interface de uso do ZEN X-Fi2