O Goberno galego mobiliza 6 millóns en axudas para a dixitalización do sector hostaleiro
luns, 27 de setembro do 2021
O
Goberno
galego vai destinar 6 millóns de euros á dixitalización do sector
da hostelería, poñendo o foco no ámbito da mercadotecnia en liña.
O obxectivo destas axudas, que abriron o prazo para a súa solicitude
este 25 de setembro, é “contribuír á recuperación do sector
turístico trala COVID-19 mellorando a súa actividade económica e a
súa competitividade mediante a transformación tecnolóxica”.
Poderán
ser obxecto das axudas os gastos derivados da instalación de novo
software de xestión hoteleira para organizar e programar tódalas
áreas de forma eficiente (Property Management System-PMS)
e para coñecer as demandas dos clientes (Customer Relationship
Management-CRM). Ademais, financiaranse produtos e servizos de
mercadotecnia orientados a manter clientes e a captar ouros novos
estudos de mercado, de satisfacción de clientes, xestión de redes
sociais, campañas publicitarias, reportaxes fotográficas e de
vídeo....- e accións relacionadas coa páxina web corporativa con
motor de reservas.
Entre
as actuacións subvencionábeis inclúese tamén a adquisición de
equipamento tecnolóxico básico e específico ou que sirva de apoio
ao control da pandemia, así como os gastos derivados dos sistemas de
control de teletraballo. O importe da subvención será do 100% cun
importe máximo de 15.000 euros por beneficiario.
As
axudas van dirixidas a persoas traballadoras autónomas, persoas
físicas ou con persoal contratado por conta allea ao seu cargo,
microempresas e pemes do sector da hostalería que teñan o seu
domicilio fiscal en Galicia e se atopen inscritas no Rexistro de
Empresas e Actividades Turísticas da Xunta de Galicia (REAT). A
convocatoria abrangue hoteis, hostais, casas rurais e outros tipos de
aloxamento, ademais de restaurantes, bares e outros establecementos
de restauración.
As
solicitudes presentaranse obrigatoriamente por medios electrónicos a
través do formulario normalizado dispoñíbel na
sede electrónica da Xunta de Galicia ata o vindeiro 25 de
outubro
