O Honor 9 Lite integra dobre cámara traseira e dianteira

martes, 6 de febreiro do 2018 Marcus Fernández

A familia de smartphones Honor continúa a medrar, e agora chega a Europa o Honor 9 Lite, que destaca por contar cunha pantalla de 5,65 polgadas cunha relación de aspecto 18:9 e dobre cámara traseira e dianteira (de 13 e 2 Mpíxeles en ambas partes) atendendo así ás tendencias dos últimos meses.
Este novo teléfono funciona cun procesador Kirin 659, 3 GB de RAM e 32 GB de almacenamento interno; a súa batería de 3.000 mAh cárgase por microUSB e chega con Android 8.0 coa capa de personalización EMUI.
O Honor 9 Lite poderá mercarse a partires do venres en cor azul, negro ou gris, sendo o prezo de venda coñecido polo momento o correspondente a Reino Unido, onde custaría 199 libras esterlinas (224 euros).

PUBLICIDADE