O Kindle Paperwhite chegará a España o 22 de novembro
xoves, 11 de outubro do 2012
- O Kindle Paperwhite preséntase como mellor eReader do mercado
O pasado 1 de outubro Amazon estreou nos EE.UU. unha nova
versión dos seus lectores de libros electrónicos, o Kindle Paperwhite, que
melloraba ao eReader actual incrementando a súa resolución un 62% (chegando aos
212 puntos por polgada) e un 25% o seu contraste, á vez que incorpora
iluminación frontal (facilitando a súa lectura de noite), estreando asà unha
nova xeración de dispositivos de lectura na que polo momento este dispositivo
non ten competencia, e que finalmente chegará á España, Reino Unido, Francia,
Alemaña e Italia o vindeiro 22 de novembro, estando xa aberta a reserva do Kindle Paperwhite por 129
euros e da súa versión
3G por 189 euros. O modelo básico, que estaba dispoñible inicialmente por
99 euros, agora tamén pode
adquirirse por 79 euros, de xeito que Amazon mantén uns prezos altamente
competitivos cos que dificilmente poden competir outros fabricantes.
Podemos comentar que, aparte dos prezos axustados, a plataforma de e-books de
Amazon tamén resulta moi atractiva por contar cun catálogo con máis dun millón
de libros, á vez que os seus dispositivos de lectura son moi completos, contado
con tamaños de fonte axustables, alta velocidade de resposta, dicionario
integrado, posibilidade de facer marcas ou escribir anotacións, sincronización
do punto de lectura entre distintos dispositivos, acceso á tenda de e-books de
Amazon dende o propio trebello, 2 Gb de capacidade interna e un peso de só 213
gramos, caracterÃsticas que converten ao Kindle nunha excelente alternativa ao
libro tradicional.
Anuncio televiso do Kindle Paperwhite