O LG Optimus L3 chegará ao mercado este mes

A nova familia de terminais L-Style de LG vai comezar a chegar ás tendas europeas, estreándose co LG Optimus L3, dispositivo que este mesmo mes porase á venda e que funciona cun procesador de dobre núcleo a 800 MHz, 2 Gb de RAM, 150 Mbytes de almacenamento interno ampliable mediante tarxetas de memoria, pantalla de 3,2 Mpíxeles, cámara de 3 Mpíxeles, batería de 1.500 mAh e sistema operativo Android 2.3.
Estamos ante o primeiro móbil L-Style, que estrea a elegante liña de deseño desta serie e que estaría dispoñible en branco, negro, azul e rosa, aínda que moitos consumidores poderían preferir agardar unhas semanas á chegada dos seus irmáns maiores, que incluirán de serie Android 4.0.