O Lérez Up conveterá Pontevedra na capital dos videoxogos e a cultura friqui
mércores, 17 de agosto do 2022
O
concelleiro
de Xuventude de Pontevedra, Alberto Oubiña, presentou os días
pasados a programación oficial do Lérez Up, unha cita de ocio,
lecer e encontro que mesturará videoxogos e cultura friqui
baixo “unha mesma bandeira e un mesmo espazo”, entre o 27 e o 28
de setembro.
“É
unha cita pensada para os fanáticos dos videoxogos, do manga e
doutras ramificacións culturais”, dixo, engadindo que o evento vén
da man do Concello en colaboración coa Asociación Gaming Troop, e
incluirá obradoiros, charlas, competición e ocio; un espazo no que
“descubrir novos videoxogos, novos e antigos”.
O
edil engadiu que “na práctica o evento xa comezou”, pois está
iniciado o torneo de League of Legends, que nas fases previas
da competición xa conta cuns 130 participantes. A fase final deste
torneo terá lugar no Recinto Feiral de Pontevedra, no propio espazo
do evento.
Tamén
haberá torneos de Valorant e Smash Bros. Ultimate,
contando este último con máis de 100 participantes do Estado e do
Portugal, e “será o torneo máis grandes organizado en Galiza até
o momento”, explicou o concelleiro, engadindo que tamén haberá
máis de 50 postos de consolas e ordenadores para xogo libre e
torneos pequenos sen inscrición previa. “Queremos que sexa un
espazo para todas as idades, un espazo seguro para todos os
públicos”, explicou.
A
maiores está prevista a presenza de máis de 56 creadores e artistas
locais que amosarán as súas obras, e maís unha
demostración-obradoiro de Cosplay, onde profesionais da modelaxe e a
costura amosarán unha caracterización dos seus personaxes
favoritos, e contarase con convidados e convidadas especialistas
nesta materia, divulgando e ensinando esta cultura. Un xurado
especializado valorará a preto de medio cento de participantes neste
apartado.
Por
último, máis de dez asociacións chegadas de todo o país están
convidadas a participar no evento, chegando a facer actividades de
todo tipo e que poden ser consultadas na súa totalidade a
través da páxina oficial da asociación pontevedresa, onde
tamén é posíbel realizar os diferentes procesos de inscrición e
de venda de entradas.