O Nokia 7.1 chegará ás tendas por a partires de 349 euros

venres, 5 de outubro do 2018 Marcus Fernández

Aínda que na resurrección da marca Nokia no mundo dos smartphones o sinal de identidade semellaba ser o contar cunha versión de Android bastante pura e con actualizacións rápidas e frecuentes, tras chegar a un acordo con ZEISS tamén se aposta por cámaras de certa calidade, o que fai que sexa bastante interesante a actualización dun dos seus terminais de gama media, o Nokia 7.
Temos así o Nokia 7.1, un smartphone con pantalla IPS de 5,84 polgadas cunha resolución de 2.244 x 1.080 píxeles con capacidade HDR e pestana superior, procesador Qualcomm Snapdragon 636, 3 GB de RAM e 32 GB de almacenamento ou 4 GB de RAM e 64 GB de almacenamento (podendo en ambos casos ampliarse o almacenamento con tarxetas de memoria microSD), cámara traseira dual (con obxectivos ZEISS) cun sensor principal de 12 Mpíxeles (e apertura f/1.8) e outro secundario de 5 Mpíxeles, cámara frontal de 8 Mpíxeles (con apertura f/2.0), lector traseiro de pegadas dixitais, toma para auriculares, batería de 3.060 mAh e sistema operativo Android One. Chegará a Europa o 22 de outubro a un prezo de 349 euros para o modelo con 3 GB de RAM e 32 GB de almacenamento, mentres que o modelo con 4 GB de RAM e 64 GB de almacenamento venderase a 400 euros.

PUBLICIDADE