O SISO Tablo converte os portátiles en Tablet PC

venres, 3 de abril do 2009 Marcus Fernández

Os usuarios que queiran gozar das prestacións dun Tablet PC no seu portátil actual pode optar por adquirir o SISO Tablo, un dispositivo que venden por 99 dólares (73,63 euros) na tenda virtual de Brando, que consiste nun dispositivo semellante a unha cámara web que se conecta ao monitor do equipo e que detecta a posición sobre a pantalla (non superior de 15,4 polgadas) dun lapis especial (tamén sensible á presión).
Este kit é compatible con Windows XP e Vista, e inclúe o software necesario para funcionar con aplicacións coma o Microsoft Office, o Paint, o Adobe Illustration e o Photoshop, entre moitas outras, de xeito que podemos escribir e debuxar directamente sobre a pantalla sen precisar dun panel táctil.

PUBLICIDADE