O casco de PlayStation VR integrará auriculares
luns, 2 de outubro do 2017
A un ano do lanzamento
da realidade virtual para a PlayStation 4, o casco PlayStation VR vai
camiño de renovarse, e no
blog norteamericano de PlayStation publican que están a preparar un novo modelo
con referencia CUH-ZVR2, que supón a renovación do seu procesador para
permitir o paso de contidos con HDR (de xeito que non haberá que desconectar o
accesorio para poder gozar de HDR), a incorporación de auriculares e un cable
de conexión máis delgado.
Polo momento non dan datas sobre a chegada do novo modelo de PlayStation VR ao
mercado, pero aseguran que non haberá cambios no prezo do produto, diferenciándose
as caixas entre ambos produtos polo número de modelo que figura na mesma e, de
xeito máis visible, por amosar que o novo casco conta con auriculares
integrados.