O concurso lucense pola igualdade, celebrado en TikTok, xa ten gañadoras

mércores, 5 de outubro do 2022 S. P.

O concurso #LugoPorLaIgualdad, organizado na rede social TikTok pola Concellería de Muller e Igualdade Lugo co obxectivo de sensibilizar sobre a trata de mulleres con fins de explotación sexual, xa ten vídeos gañadores. Esta actividade formaba parte dos actos que organizou o Goberno de Lara Méndez para conmemorar o Día Internacional Contra a Explotación Sexual e a Trata de Persoas, que se celebra cada 23 de setembro.
Jessica Fernández Cerdeira é a gañadora do primeiro premio deste certame, dotado con 200 euros e Elma Palomar Giménez e Liena Vicen son as gañadoras do segundo, dotado con 100 euros.
O xurado estivo formado pola Concelleira de Muller e Igualdade, Silvia Alonso, o xefe do servizo de Igualdade do Concello de Lugo, Valentín López, a directora do Servizo de Audiovisuais da Deputación de Lugo, Marga Soilán, e a educadora social da entidade Aliad-Ultreia, que atende e acolle a mulleres vítimas de trata e explotación sexual.
As pezas gañadoras pódense ver nas seguintes ligazóns:
1º premio
2º premio

PUBLICIDADE