O emprendedor Rubén López abre o ciclo de conferencias Galegos de Alto Impacto
luns, 8 de novembro do 2021
O
emprendedor tecnolóxico Rubén
López será o encargado de abrir o ciclo de conferencias Galegos
de Alto Impacto, organizado por FEUGA e StartUp Galicia co
obxectivo de dar voz a referentes galegos do actual tecido produtivo
e impulsar a creación de novas iniciativas de mercado (iniciativas
que teñan como alicerce a innovación e as novas ferramentas) entre
a xente nova. A cita será este 22 de novembro, ás 19.00 horas, no
salón de actos de FEUGA no Campus Sur de Santiago. O formato será
presencial e achegaranse 110 prazas.
Nela,
o enxeñeiro coruñés Rubén López falará da súa experiencia
profesional coas multinacionais Google e Youtube, e tamén da súa
propia andaina (a dÃa de hoxe) como emprendedor tecnolóxico na nosa
terra. Tamén afondará nas metodoloxÃas máis indicadas para
captar, xestionar e potenciar o talento técnico ao estilo de Silicon
Valley.
Rubén,
durante a súa traxectoria profesional formou parte do persoal de
Google e YouTube e, actualmente, está a lanzar o seu propio
proxecto, Aruma Studios, un estudo independente de creación de
videoxogos na Coruña. A sesión estará conducida por Jaime Novoa,
xestor de investimentos en KFund e membro da asociación StartUp
Galicia.
StartUp
Galicia e FEUGA asinaron un acordo de colaboración para fomentar o
emprendemento entre estudantes e profesionais para impulsar ideas de
negocio innovadoras. Desta unión nace o espazo StartUp Àgora, que
acollerá conferencias de referentes galegos en startups ou
empresas de alto impacto nas que compartirán as súas experiencias
coas novas xeracións de emprendedores.