O turismo de Noia colle impulso na Rede
luns, 15 de marzo do 2021
Noia
pretende converterse nun destino turístico de éxito este 2021. Por
iso, a área municipal
de Turismo lanza a
nova páxina web Turismonoia.es,
co fin de conquistar novos visitantes, tanto nacionais como
internacionais, e promover as características da localidade en
relación á historia e á gastronomía.
De
feito, o departamento de Turismo escolleu o slogan Respira
mar e historia
para chamar a atención sobre o destino. Ademais, sinalou que “o
catálogo dispón dunha variedade de edificios históricos e un
patrimonio natural moi destacábel”.
O
Concello de Noia engloba toda a información turística do municipio
nun espazo online,
con contido multimedia e xeolocalización. A páxina está dispoñíbel
en
castelán, galego e inglés e pode visualizarse dende calquera
dispositivo electrónico. Ademais, conta cun blog onde hai
información complementaria. Do mesmo xeito, a web inclúe un
apartado específico para o sector hostaleiro.