Olympus presenta unha cámara que soporta ata 100 quilos de peso

A mediados de mes Olympus vai comercializar a súa nova cámara Tough TG-810, que cun sensor de 14 Mpíxeles, zoom óptico de 5x, gravación de vídeo a 720p con saída HDMI, modos de disparo panorámico, tridimensional e acuático, GPS integrado, compás dixital e manómetro (sensor de profundidade) presume de ser a primeira cámara na que podes sentar sobre a mesma sen danala, xa que soporta ata 100 quilogramos de peso.
A Olympus Tough TG-810 tamén pode somerxerse a 10 metros de profundidade, soporta caídas a 2 metros e incluso aguanta temperaturas de 10 graos baixo cero.
O prezo desta resistente cámara en Europa será de 299 euros, o que parece bastante axustado para un trebello a proba de golpes, ideal para capturar os mellores momentos de viaxes ou da práctica de deportes extremos.