Os Samsung Galaxy A53 5G e A33 5G preparan a súa chegada a España

Samsung anuncia a dispoñibilidade do smartphone Galaxy A53 5G en España e a data de inicio das reservas do Galaxy A33 5G, móbiles de gama media con cámaras de calidade, bo rendemento e resistencia, pantalla ampla e conectividade 5G, elementos cos que confían en ter unha boa acollida.
O Samsung Galaxy A53 5G é un atractivo móbil con pantalla Full HD+ Super AMOLED de 6,5 polgadas e un refresco de 120 Hz, 6/8 GB de RAM, 128/256 GB de almacenamento ampliable mediante tarxetas de até 1 TB, resistencia IP67, batería de 5.000 mAh con carga rápida de 25 watts, cámara frontal de 32 Mpíxeles e cámara traseira cuádrupla cun sensor principal de 64 Mpíxeles e estabilización óptica, un grande angular de 12 Mpíxeles e sensores de profundidade e macro de 5 Mpíxeles. Ten un prezo de 449 euros para o modelo con 6 GB de RAM e 128 GB de almacenamento, e de 509 euros con 8 GB de RAM e 256 GB de almacenamento.
Pola súa banda, o Samsung Galaxy A33 5G iniciará as súas reservas o 22 de abril nun modelo con 6 GB de RAM e 128 GB de almacenamento por 369 euros. As principais diferenzas co seu irmán maior é que a súa pantalla é lixeiramente inferior (ten unha diagonal de 6,4 polgadas e unha velocidade de refresco de 90 HZ) e as súas cámaras teñen menor resolución (a cámara frontal queda nos 13 Mpíxelese os sensores da cámara traseira son de 48 Mpíxeles na cámara principal, 8 Mpíxeles no grande angular, 5 Mpíxeles no sensor macro e 2 Mpíxeles no sensor de profundidade). Entendemos así que estamos ante unha versión económico para que non dá especial importancia ás cámaras.